Contract

Р Е П У Б Л И К А М А К Е Д О Н И Ј А УНИВЕРЗИТЕТ „СВ. КИРИЛ И МЕТОДИЈ“ – СКОПЈЕ

Бр. 05-74

18.01.2012 год. С К О П Ј Е

ОТВОРЕНА ПОСТАПКА БР.02/2012

ЗА ДОДЕЛУВАЊЕ НА ДОГОВОР ЗА ЈАВНА НАБАВКА НА УСЛУГИ

Осигурување на градежните објекти, опремата и возилата на Универзитетот „Св. Кирил и Методиј “ во Скопје, менаџерско, колективно и патничко осигурување на вработените во Ректоратот и осигурување на лица при манифестации за потребите на Универзитетот „Св. Кирил и Методиј “ во Скопје

ТЕНДЕРСКА ДОКУМЕНТАЦИЈА

Скопје, јануари 2012 година

С о д р ж и н а :

ПОКАНА ЗА ПОДНЕСУВАЊЕ ПОНУДА                       3

I. ИНСТРУКЦИИ ЗА ЕКОНОМСКИТЕ ОПЕРАТОРИ                4

II. ТЕХНИЧКИ СПЕЦИФИКАЦИИ                          _ 23

III. ОБРАЗЕЦ НА ПОНУДА                               26

2

I. ИНСТРУКЦИИ ЗА ЕКОНОМСКИТЕ ОПЕРАТОРИ

1. ОПШТИ ИНФОРМАЦИИ

1.1 Дефиниции

1.1.1 Одредени поими употребени во оваа тендерска документација го имаат следново значење:

- „Договор за јавнa набавкa“ е договор од финансиски интерес склучен во писмена форма меѓу договорниот орган од една страна и носителот на набавката од друга страна, за испорака на стоките што се предмет на договорот;

- „Постапка за доделување на договор за јавна набавка“ е постапка што ја спроведува договорниот орган, чија цел или дејство е купување или стекнување на стоки;

- „Отворена постапка“ е постапка во која секој економски оператор има право да поднесе понуда;

- „Тендерска документација“ е збир на документи, информации и услови кои претставуваат основа за изготвување, доставување и оценување на понудата;

- „Техничка спецификација“ е збир на технички услови, прописи, препораки и стандарди со кои детално се дефинираат минималните барања од технички аспект кои стоките, предмет на договорот за јавна набавка треба да ги задоволат;

- „Економски оператор“ е секое физичко или правно лице или група на такви лица кои на пазарот нуди стоки, услуги или работи;

- „Понудувач“ е секој економски оператор кој поднел понуда;

- „Понуда“ е предлог од понудувачот изготвен врз основа на тендерската документација и претставува основа за доделување на договорот за јавна набавка;

- „Техничка понуда“ е дел од понудата со која се докажува исполнувањето на поставените технички барања и услови од тендерската документација;

- „Финансиска понуда“ е дел од понудата во кој се содржани понудените цени согласно со условите од тендерската документација;

- „Носител на набавката“ е понудувач или група на понудувачи кои склучиле договор за јавна набавка;

- „Евалуација на понуда“ е оцена на поднесена понуда во постапката за доделување на договор за јавна набавка;

- “Одговорно лице” е функционер кој раководи со државен орган, градоначалник на единицата на локалната самоуправа или директор на правно лице;

- „Прифатлива понуда“ е понуда која е поднесена во утврдениот рок и за која е утврдено дека во потполност ги исполнува сите барања од тендерската документација и техничките спецификации и одговара на сите критериуми, условите и евентуалните барања за способноста на понудувачите.

- „Писмено или во писмена форма“ e секој израз кој се состои од зборови или бројки кои можат да се прочитаат, умножат и дополнително да се соопштат, како и информации кои се пренесуваат и чуваат со помош на електронски средства под услов сигурноста на содржината да е обезбедена и потписот да може да се идентификува.

1.2 Договорен орган

1.2.1 Договорен орган е Универзитетот „Св. Кирил и Методиј“ во Скопје, со седиште на адреса: бул. ▇▇▇▇▇ ▇▇▇▇▇▇▇▇ бб, телефон ▇▇ ▇▇▇▇ ▇▇▇, факс 02 3293 202, електронска пошта ▇▇▇▇@▇▇▇▇.▇▇▇.▇▇, интернет адреса: ▇▇▇.▇▇▇▇.▇▇▇.▇▇.

1.2.2 Лице за контакт кај договорниот орган е ▇▇▇▇▇▇▇▇ ▇▇▇▇▇▇▇▇, телефон

▇▇ ▇▇▇▇ ▇▇▇, факс 02 3293 202, електронска пошта ▇▇▇▇▇▇▇▇▇@▇▇▇▇.▇▇▇.▇▇. 1.3 Предмет на договорот за јавна набавкa

1.3.1 Предмет на договорот e набавка на услуга - осигурување на

градежните објекти, опремата и возилата на Универзитетот „Св. Кирил и Методиј “ во Скопје, менаџерско, колективно и патничко осигурување на вработените во Ректоратот и осигурување на лица при манифестации за потребите на Универзитетот „Св. Кирил и Методиј “ во Скопје.

1.3.2 Предметот на договорот е делив по листи (7 листи) како што е дефинирано во техничките спецификации. Понудувачот може да даде понуда за една или сите листи од предметот на договорот за јавна набавка. Понудувачот не може да ги дели составните елементи во поединечните листи.

1.3.3 Детален опис на предметот на договорот за јавна набавка е даден во техничките спецификации кои се составен дел на тендерската документација.

1.3.4 Набавката е за период од една година од денот на склучување на договорот.

1.4 Вид на постапка за доделување на договор за јавна набавка

1.4.1 Договорот за јавна набавка ќе се додели со примена на отворена постапка.

1.4.2 Оваа постапка нема да се спроведува со користење со електронски средства преку Електронскиот систем за јавни набавки.

1.4.3 Оваа постапка ќе се спроведува со електронска аукција.

1.5 Посебни начини за доделување на договорот за јавна набавка

1.5.1 Оваа постапка ќе заврши со доделување на договр за јавна набавка, односно нема да се користи посебниот начин за доделување на договорот со рамковна спогодба.

1.6 Применливи прописи

1.6.1 Оваа постапка се спроведува согласно со Законот за јавните набавки, објавен во Службен весник на Република Македонија број 136/07,130/08, 97/10, 53/11, 185/11 и донесените подзаконски акти.

1.6.2 При подготовка на својата понуда, понудувачот треба да ги има предвид важечките прописи од областа на даноците и другите јавни давачки, работните односи, работните услови и заштитата при работа. Сите прописи може да се најдат во соодветните изданија на Службен весник на Република Македонија. Дополнителни податоци во однос на важечките прописи од горенаведените области, понудувачот може да добие од Управата за јавни приходи, Царинската управа и Министерството за финансии (за даноците и другите јавни давачки), Министерството за труд и социјална политика (за работните односи, работните услови и заштитата при работа).

1.7 Извор на средства

1.7.1 Средствата за реализација на договорот за јавна набавка кој е предмет на оваа постапка се обезбедени од буџетски и сопствени приходи.

1.8 Право на учество

1.8.1 Право да достави понуда има секое заинтересирано домашно и странско правно лице - понудувач, кое е регистрирано за вршење на дејноста поврзана со предметот на договорот за јавна набавка и кое подигнало тендерска документација од договорниот орган.

1.9 Трошоци за поднесување на понуда

1.9.1 Економскиот оператор ги сноси сите трошоци поврзани со подготовката и со доставувањето на понудата, а договорниот орган не е одговорен за тие трошоци без оглед на водењето и на исходот од постапката за доделување на договор за јавна набавка.

1.10 Критериум за доделување на договорот за јавна набавка

1.10.1 Критериум за доделување на договорот за јавна набавка е економски најповолната понуда. За носител на набавката ќе биде избран оној економски оператор чија понуда ќе биде оценета како економски најповолна, односно која ќе освои најголем број на бодови како збир на бодовите за секој елемент на критериумот економски најповолна понуда.

1.10.2 Како елементи на критериумот економски најповолна понуда се земаат следниве:

▇▇▇▇▇▇ на премија 50 бодови

Висина на сума на осигурување 50 бодови

Критериуми за евалуација на листа 1,2 и 6 се:

▇▇▇▇▇▇ на премија 50 бодови

Висина на сума на осигурување 50 бодови

Критериум за евалуација за листа 3,4 и 5 е:

Висина на премија 100 бодови

Критериуми за евалуација на листа 7 се:

Бонус во % 50 бодови

Висина на сума на осигурување 50 бодови

1.10.3 За елементот висина на премија се утврдени вкупно 50 бодови. При евалуација, бодовите за висината на премијата ќе се пресметува според следнава формула:

Број на бодови

Најниска понудена премија (без ДДВ)

. максимален број бодови

=

понудена премија (безДДВ)

1.10.4 За елементот висина на сума на осигурување се утврдени вкупно 50 бодови. При евалуација, бодовите за висината на сумата на осигурување ќе се пресметува според следнава формула:

Број на бодови

Понудена сума на осигурување (без ДДВ)

. максимален број бодови

=

▇▇▇▇▇▇▇▇▇ понудена сума на осигурување (безДДВ)

1.10.4 Евалуацијата на понудите ќе се врши согласно со Методологијата за изразување на критериумите за доделување на договорот за јавна набавка во бодови („Службен весник на Република Македонија“ бр. 41/08).

1.11 Спречување на судир на интереси

1.11.1 За спречување на судир на интересите во постапките за доделување на договори за јавни набавки соодветно се применуваат одредбите од Законот за спречување судир на интереси.

1.11.2 Носителот на набавката не смее, при извршување на договорот за јавна набавка, да ангажира лица кои биле вклучени во евалуација на понудите поднесени во постапка за доделување на договор за јавна набавка, во времетраење на договорот. Во тој случај договорот се смета за ништовен.

1.12 Начин на комуникација

1.12.1 Секое барање, информација, известување и други документи во постапката се испраќаат во писмена форма. Секој документ се евидентира во моментот на испраќање, односно во моментот на примање.

1.12.2 Документите, освен понудата, се испраќаат: по пошта или со електронски средства.

1.12.3 Начинот на поднесување на понудата е утврден во точка 4 од Инструкциите за понудувачите.

1.13 Информации од доверлив карактер

1.13.1 Договорниот орган ќе ги заштити информациите кои економскиот оператор ги има означено како доверливи, особено кога станува збор за деловна тајна или права од интелектуална сопственост, освен во случаите каде по сила на закон договорнот орган е должен да ги достави овие информации до надлежните органи (во случај на жалбена постапка, поведување на управен спор и слично) За таа цел, економскиот оператор треба да направи листа на доверливи информации со користење на Образецот на листа на доверливи информации во прилог на оваа тендерска документација, и истата да ја достави заедно со својата понуда.

1.13.2 Доколку економскиот оператор не ја достави листата на доверливи информации заедно со својата понуда, договорниот орган ќе смета дека предметната понуда не содржи информации од доверлив карактер.

1.13.3 Цената на понудата не се смета за доверлива информација во ниту еден случај.

2. СПОСОБНОСТ НА ЕКОНОМСКИТЕ ОПЕРАТОРИ

2.1 Начин на докажување на способноста

2.1.1 Со понудата економскиот оператор задолжително треба да достави придружна документација со која ќе ги докаже:

- личната состојба,

- способноста за вршење професионална дејност,

- економската и финансиска состојба,

- техничка или професионална способност.

2.1.2 Бараната документација се поднесува во оригинал или во копија заверена од економскиот оператор со печат и со потпис на одговорното лице, со назнака “Верно на оригиналот“.

2.1.3 При проверката на комплетноста и валидноста на документацијата за утврдување на способноста на економскиот оператор и при евалуација на понудата, комисијата може да побара економските оператори да ги појаснат или дополнат документите, доколку не станува збор за значителни отстапувања од бараната документација.

2.1.4 Бараното објаснување економскиот оператор го доставува во писмена форма во рокот кој го определил договорниот орган.

2.1.5 Никакви промени во понудата, освен исправката на аритметички грешки, не смеат да се бараат, нудат или да се допуштат од страна на комисијата или од економскиот оператор.

2.2 Лична состојба

2.2.1 Договорниот орган ќе го исклучи од постапката за доделување на договор за јавна набавка секој економски оператор:

- на кој во последните 5 години му била изречена правосилна пресуда за учество во злосторничка организација, корупција, измама или перење пари;

- на кој му е изречена споредна казна забрана за учество во постапки за јавен повик, доделување на договори за јавна набавка и договори за јавно приватно партнерство;

- на кој му е изречена споредна казна привремена или трајна забрана за вршење на одделна дејност;

- кој е во постапка на стечај или во постапка на ликвидација;

- кој има неплатени даноци, придонеси и други јавни давачки;

- кому му е изречена прекршочна санкција - забрана за вршење на професија, дејност или должност, односно привремена забрана за вршење одделна дејност и

- кој дава лажни податоци или не го доставува податоците што ги барал договорниот орган.

2.2.2 За докажување на својата лична состојба, економскиот оператор ги доставува следниве документи:

- изјава на економскиот оператор дека во последните 5 години не му била изречена правосилна пресуда за учество во злосторничка организација, корупција, измама или перење пари;

- потврда дека не е отворена постапка за стечај од надлежен орган;

- потврда дека не е отворена постапка за ликвидација од надлежен орган;

- потврда за платени даноци, придонеси и други јавни давачки од надлежен орган од земјата каде економскиот оператор е регистриран;

- потврда од Регистарот на казни за сторени кривични дела на правните лица дека не му е изречена споредна казна забрана за учество во постапки за јавен повик, доделување на договори за јавна набавка и договори за јавно-приватно партнерство;

- потврда од Регистарот на казни за сторени кривични дела на правните лица дека не му е изречена споредна казна привремена или трајна забрана за вршење на одделна дејност;

- потврда дека со правосилна пресуда не му е изречена прекршочна санкција - забрана за вршење на професија, дејност или должност, односно привремена забрана за вршење одделна дејност.

2.2.3 Изјавата од алинеја 1 од потточка 2.2.2 ја изготвува и потпишува самиот економски оператор и истата не мора да биде заверена од надлежен орган.

2.2.4 Потврдите дека не е отворена постапка за стечај и постапка за ликвидација, како и потврдите од регистарот на казни за сторени кривични дела од ▇▇▇▇▇▇▇ 5 и 6 од потточка 2.2.2, ги издаваат надлежни органи во земјата каде е регистриран економскиот оператор. Во Република Македонија надлежен орган за издавање на овие потврди е Централниот регистар на Република Македонија.

2.2.5 Потврдата за платени даноци, придонеси и други давачки ја издава надлежен орган од земјата каде е регистриран економскиот оператор. Во Република Македонија надлежен орган за издавање на оваа потврда е Управата за јавни приходи.

2.2.6 Потврдата од алинеја 7 од потточка 2.2.2 ја издава надлежниот орган во државата каде е регистриран економскиот оператор. Во Република Македонија надлежен орган за издавање на оваа потврда е Централниот регистар на Република Македонија.

2.2.7 Документите од потточка 2.2.2 не смеат да бидат постари од 6 (шест)

месеци сметано од крајниот рок за доставување на понудите наназад.

2.2.8 Ако земјата во која е регистриран економскиот оператот не ги издава документите наведени во потточка 2.2.2 или ако тие не ги опфаќаат сите погоренаведени случаи, економскиот оператор може да достави изјава заверена кај надлежен орган.

2.3 Способност за вршење на професионална дејност

2.3.1 За да ја докаже способноста за вршење на професионална дејност, економскиот оператор треба да достави документ за регистрирана дејност како доказ дека е регистриран како физичко или правно лице за вршење на дејноста поврзана со предметот на договорот за јавна набавка или доказ дека припаѓа на соодветно професионално здружение согласно со прописите на земјата каде што е регистриран.

2.4 Економска и финансиска состојба

2.4.1 За да се квалификува како способен за извршување на предметниот договор за јавна набавка од аспект на неговата економска и финансиска состојба, економскиот оператор треба да го исполнува следниот услов:

- да работи со позитивен финансиски резултат во последните 3 години

( 2008, 2009 и 2010)

2.4.2 За докажување на овој услов потребно е да достави:

- извештај од билансот на состојба и податоци од билансот на успех за 2010 година заверен од надлежен орган, односно ревидиран биланс на состојба и биланс на успех за 2010 година, или извадоци од извештајот

за билансот на состојба и ▇▇▇▇▇▇▇▇ на успех за 2010 година во случаи кога објавување на билансот на состојба е пропишано со закон во земјата каде што економскиот оператор е регистриран.

2.4.3 Доколку билансот на состојба и билансот на успех биле предмет на комерцијална ревизија, економскиот оператор може да ги достави истите како доказ дека го исполнува минималниот услов за утврдување на економската и финансиската состојба без да бидат дополнително заверени од надлежен орган.

2.4.4 Доколку билансот на состојба и билансот на успех не биле предмет на комерцијална ревизија, економскиот оператор ги доставува истите заверени, односно издадени од надлежен орган како доказ дека го исполнува минималниот услов за утврдување на економската и финансиската состојба. Надлежен орган во Република Македонија е Централниот регистар на Република Македонија.

2.5 Техничка или професионална способност

2.5.1 За да се квалификува како способен за извршување на предметниот договор за јавна набавка од аспект на неговата професионална способност, економскиот оператор треба да ги исполнува следните услови:

- да има образован и професионален кадар за вршење на дејноста

( минимум 3 лица).

- да има минимум 50 вработени лица;

-да има извршено услуги од ист вид со предметот на набавката во последните 2 (две) години.

2.5.2 За докажување на професионалната способност, економскиот оператор ги доставува следниве документи;

- преглед на стручни лица кои се во работен однос кај економскиот оператор и кои ќе бидат задолжени за реализација на договорот за јавна набавка;

- изјава за бројот на вработени во компанијата, потпишан од одговорното

лице;

- референтна листа за извршени услуги за 2010 и 2011 година, со

соодветни потврди за квалитетно извршени договори (минимум 5).

3. ПОЈАСНУВАЊЕ, ИЗМЕНА И ДОПОЛНУВАЊЕ НА ТЕНДЕРСКАТА ДОКУМЕНТАЦИЈА

3.1 Појаснување на тендерската документаци

3.1.1 Економскиот оператор може да побара појаснување на тендерската документација од договорниот орган, исклучително во писмена форма, најдоцна 6 дена пред крајниот рок за поднесување на понудите.

3.1.2 Појаснувањето договорниот орган ќе го достави до сите економски оператори што подигнале тендерска документација, без при тоа, да се идентификува економскиот оператор што побарал појаснување.

3.2 Измена и дополнување на тендерската документација

3.2.1 Договорниот орган го задржува правото најдоцна 6 дена пред истекот на крајниот рок за поднесување на понудите, по свое наоѓање или врз основа на поднесените прашања за објаснување од страна на понудувачите, да ја измени или да ја дополни тендерската документација, за што веднаш ќе ги извести сите економски оператори што неа ја подигнале.

3.2.2 Во случај на измена на тендерската документација, договорниот орган може да го продолжи крајниот рок за доставување на понудите по барање на економскиот оператор (ако постојат оправдани причини) и да овозможи најмалку 5 работни денови за поднесување на понудите откако на економските оператори им ги обелоденил појаснувањата/дополнувањата.

3.2.3 Во случај на продолжување на крајниот рок, договорниот орган е должен писмено да ги извести сите економски оператори што подигнале тендерска документација.

4. ПОДГОТОВКА И ПОДНЕСУВАЊЕ НА ПОНУДИТЕ

4.1 Содржина на понудата

4.1.1 Понудата треба да биде подготвена врз основа на оригиналната тендерска документација и се состои од следниве елементи:

- пополнет образец на понуда со сите барани елементи;

- документи за утврдување на личната состојба наведени во потточка

2.2.2 од тендерската документација;

- документ за утврдување на способноста за вршење на професионална дејност наведен во точка 2.3.1 од тендерската документација;

- докази за утврдување на економската и финансиската способност наведени во точка 2.4.1 од тендерската документација;

- докази за утврдување на техничката или професионалната способност наведени во точка 2.5.1 од тендерската документација;

- писмено овластување за претставникот на групата економски оператори

(само за група на економски оператори).

4.1.2 Економскиот оператор понудата ја изготвува и доставува на свој меморандум врз основа на образецот на понуда даден во оваа тендерска документација.

4.1.3 Доколку на дадениот начин на пополнување на понудата (образец на понуда) во оваа тендерска документација економскиот оператор не може целосно и сеопфатно да ја изрази својата понуда, може да користи друг образец на кој ќе ја достави својата понуда под услов таквиот образец да ги содржи сите елементи од образецот на понуда даден во оваа тендерска документација. Понудата поднесена на образец на понуда кој не ги содржи сите елементи согласно тендерската документација ќе биде утврдена како неприфатлива.

4.2 Јазик на понудата

4.2.1 Понудата, како и целата кореспонденција и документи поврзани со понудата се доставува на македонски јазик.

4.2.2 Печатената литература може да биде и на друг јазик. Договорниот орган го задржува правото во фазата на евалуација на понудите да побара од понудувачот да изврши превод на печатената литература која е поднесена на друг јазик.

4.3 Цена на понудата

4.3.1 Економскиот оператор во листата на цени и рокови на извршување/реализација ја внесува цената за секој дел поединечно, заедно со рокот за извршување на услугите.

4.3.2 Понудената цена треба да ги вклучува сите трошоци и попусти на економскиот оператор, да биде искажана без данок на додадена вредност кој се искажува посебно.

4.3.3 Цената на понудата се пишува со бројки и букви.

4.3.4 Ако цената на понудата е невообичаено ниска и во голема мера не е во согласност со проценетата вредност на набавката, договорниот орган од економскиот оператор ќе побара писмено објаснување за причините за таквата цена на понудата. Ако економскиот оператор не успее да објасни на писмено, кои се причините за таквата цена во рок од 7 дена од датумот на поднесување на барањето, или пак ако Комисијата не ги прифати неговите причини, понудата ќе биде отфрлена.

4.4 Валута на понудата

4.4.1 Цената на понудата се изразува во денари.

4.5 Период на важност на понудата

4.5.1 Понудите треба да важат најмалку 90 дена од денот на отворањето на понудите, за чие времетраење понудата во сите нејзини елементи е обврзувачка за понудувачот. Доколку денот на отворањето на понудата е неработен, периодот на важноста на понудата се смета од наредниот работен ден. Понудата што важи

за пократок период од предвидениот, договорниот орган ја отфрла како понуда што не одговара на условите.

4.5.2 Доколку договорниот орган процени за потребно може да побара од понудувачот продолжување на периодот на важност на понудата.

4.6 Форма и потпишување на понудата

4.6.1 Понудата се поднесува во еден оригинален примерок , испишана со неизбришливо мастило и потпишана од одговорното лице на економскиот оператор или лице овластено од него. Доколку понудата ја потпишува лице овластено од одговорното лице, во прилог се доставува и овластување за потпишување на понудата потпишано од одговорното лице. Сите страници на понудата, освен за неизменетата печатена литература, треба да се парафирани од лицето кое ја потпишува понудата.

4.6.2 Секое пишување меѓу редовите, бришење или пишување врз претходен текст важи само ако е потпишано или парафирано од лицето кое ја потпишува понудата.

4.7 Запечатување и обележување на понудите

4.7.1 Понуди можат да достават само економски оператори што имаат подигнато заверен примерок на тендерската документација од договорниот орган.

4.7.2 Економскиот оператор го приложува оригиналниот примерок на понудата со целокупната документација и примероци од печатени изданија во запечатен внатрешен плик на кој се наведува полниот назив и адреса на економскиот оператор. Така запечатениот внатрешен плик се затвора во надворешен плик кој:

- е адресиран со точна адреса на договорниот орган;

- содржи информација за бројот на огласот за доделување на договор за јавна набавка и датумот на кој е објавен;

- во горниот лев агол стои предупредување „Не отвoрај“, или „Do not open“, за да не се отвора пред времето и датумот за отворање на понудата.

4.7.3 Ако пликовите не се запечатени и обележани како што се бара, договорниот орган не презема одговорност за нивно ненавремено и некомплетно пристигнување во неговата архива или за предвремено отворање на понудата.

4.8 Краен рок и место за поднесување на понудите

4.8.1 Краен рок за доставување на понудите е 17.02.2012 година, во 10.00

часот.

4.8.2 Понудите се поднесуваат на следнава адреса: Универзитет „Св. Кирил

и Методиј“ во Скопје, бул. ▇▇▇▇▇ ▇▇▇▇▇▇▇▇ бб 1000 Скопје, со назнака "За отворена постапка бр.2/2012".

4.8.3 Понудата која е поднесена по истекот на крајниот рок за поднесување на понудите, се отфрла како задоцнета и истата ќе му биде вратена на економскиот оператор неотворена.

4.8.4 Ако пликовите не се запечатени и обележани како што се бара, договорниот орган не превзема одговорност за нивно ненавремено и некомплетно пристигнување во неговата архива или за предвремено отварање на понудата.

4.9 Алтернативни понуди

4.9.1 Во оваа постапка за доделување на договор за јавна набавка не се дозволени алтернативни понуди.

4.10 Измена, замена и повлекување на понудата

4.10.1 Понудувачите можат да ги изменат, заменат или повлечат своите понуди по поднесување на понудата, под услов измените, замените или повлекувањата да се добиени од договорниот орган пред крајниот рок за поднесување на понудите наведен во точка 4.8.

4.10.2 Измените, замените и повлекувањата на понудите ќе бидат подготвени, ковертирани, обележани и доставени согласно точка 4.7, со тоа што ковертот соодветно ќе биде обележан со "измена", "замена" или "повлекување".

4.10.3 Понудата не може да биде изменета, заменета или повлечена по крајниот рок за поднесување на понудите предвиден во точка 4.8.

5. ОТВОРАЊЕ И ЕВАЛУАЦИЈА НА ПОНУДИТЕ

5.1 Отворање на понудите

5.1.1 На јавното отворање на понудите може да присуствува секое заинтересирано лице.

5.1.2 Само овластените претставници на понудувачите можат да учествуваат во постапката на јавно отворање на понудите со давање на свои забелешки во записникот од отворањето на понудите.

5.1.3 Овластените претставници на економските оператори на јавното отворање мораат да носат овластување потпишано од одговорното лице на економскиот оператор. Сите овластени претставници на економските оператори, присутни на јавното отворање, треба да потпишат евидентен лист.

5.1.4 Јавното отворање ќе се одржи на 17.02.2012 година, во 10.00 часот,

во Ректоратот на Универзитетот „Св.Кирил и Методиј“ во Скопје.

5.1.5 Доставените понуди се отвораат согласно Законот за јавните набавки, и тоа: една по една, со читање на името на економскиот оператор, при што се констатира дали понудите се доставени според точка 4.9 од тендерската документација и дали се во оригинал, а потоа се пристапува кон читање на понудите по истиот редослед по кој тие се отворени, освен понудите, кои согласно Законот за јавните набавки, се исклучуваат од натамошната постапка. При тоа, најпрво ќе се отворат и прочитаат замените, измените и повлекувањата на понудите. После тоа се пристапува кон читање на цените на понудата, вклучувајќи какви било попусти и постоењето на гаранција на понудата. Само попустите кои се прочитани на јавното отворање на понудата ќе се разгледуваат при евалуацијата на понудите. Ниту една понуда нема да биде отфрлена на отворањето на понудите, освен задоцнетите понуди.

5.1.6 Комисијата за јавни набавки ќе пристапи кон јавно отворање на понудите доколку е пристигната и само една понуда.

5.1.7 Во текот на отворањето на понудите се води записник според Правилникот за постапката на отворањето на понудите и Образецот за водење на записник за отворањето на понудите („Службен весник на Република Македонија“ бр. 154/07).

5.2 Доверливост на процесот на евалуација на понудите

5.2.1 Ниту една информација во врска со разгледувањето, оценката и споредбата на понудите во процесот на евалуација нема да им се откријат на економските оператори или на кои било други лица што не се службено вклучени во тој процес.

5.3 Појаснување на понудите

5.3.1 Во периодот на разгледување и оценување на понудите, договорниот орган може да побара од кој било економски оператор појаснување на неговата понуда. Барањето од договорниот орган за појаснување и одговорот се во писмена форма. Никаква промена на цените или на содржината на понудата нема да се бара, нуди или да се дозволува, освен за потврдување на коригирањето на аритметички грешки што ги открил договорниот орган при оценката на понудите.

5.3.2 Секое појаснување доставено од страна на економскиот оператор во поглед на неговата понуда што не е дадено како одговор на барање од договорниот орган, нема да се разгледува.

5.4 Исправка на аритметички грешки

5.4.1 Ако понудата е прифатлива и е составена и доставена во согласност со тендерската документација, договорниот орган ги коригира аритметичките грешки на следниот начин:

- ако постои несовпаѓање меѓу зборовите и бројките, преовладува износот што е напишан со зборови.

- ако постои разлика помеѓу единечната цена и вкупната цена, тогаш преовладува единечната цена.

5.4.2 Комисијата за јавни набавки ќе ги коригира грешките во понудата според опишаната постапка и таа ќе се смета обврзувачка за него.

5.4.3 Ако економскиот оператор не ја прифати корекцијата на аритметичките грешки, понудата ќе биде отфрлена и ќе биде активирана гаранцијата за учество.

6. ДОДЕЛУВАЊЕ НА ДОГОВОРОТ ЗА ЈАВНА НАБАВКА

6.1 Критериум за доделување на договорот за јавна набавка

6.1.1 Договорниот орган договорот му го доделува на економскиот оператор чија понуда е утврдена како најповолна врз основа на критериумот за доделување на договорот за јавна набавка – економски најповолна понуда, како што е утврдено во точка 1.10 од тендерската документација.

6.2 Известување за доделување на договорот за јавна набавка

6.2.1 Пред истекот на периодот на важење на понудата, а најдоцна во рок од 3 дена од донесувањето на одлуката за избор на најповолна понуда, избраниот најповолен економски оператор ќе биде известен во писмена форма дека неговата понуда е прифатена. Во исто време, и сите други економски оператори ќе бидат известени за резултатите од тендерот, одлуката кој е најповолен економски оператор како и за причините за неизбор на нивната понуда.

6.3 Правна заштита

6.3.1 Секој економски оператор кој има правен интерес за добивање на договорот за јавна набавка и кој претрпел или би можел да претрпи штета од евентуално прекршување на одредбите од Законот за јавните набавки, може да бара правна заштита против одлуките, дејствијата и пропуштањата за преземање дејствија од страна на договорниот орган во постапката за доделување на договор за јавна набавка.

6.3.1 Жалбата се изјавува во рок од осум дена од денот на:

- објавувањето на огласот за доделување на договор за јавна набавка во однос на податоците, дејствијата или пропуштањата за преземање дејствија од огласот,

- отворањето на понудите во однос на дејствијата или пропуштањата за преземање дејствија поврзани со тендерската документација, односно постапката за отворањето на понудите,

- приемот на одлуката со која се одлучува за поединечно право од постапката за доделување на договор за јавна набавка, во однос на утврдувањето на способноста на пријавите за учество или евалуацијата на понудите и одлуката или

- сознанијата за незаконско водење на постапка за доделување на договор за јавна набавка, најдоцна во рок од една година од денот на завршувањето на спроведената постапка.

6.3.2 Економскиот оператор кој пропуштил да изјави жалба во однос на одредбите од потточка 6.3.1, нема право на жалба во подоцнежната фаза на постапката за истиот правен основ.

6.3.3 Жалбата треба да ги содржи следниве елементи:

- податоци за подносителот на жалбата (име презиме, назив на економскиот оператор, адреса на престојувалиште и седиште),

- податоци за застапникот или полномошникот,

- назив и седиште на договорниот орган,

- број и датум на постапката за доделување на договор за јавна набавка и податоци за огласот за доделување на договор за јавната набавка,

- број и датум на одлуката за избор на најповолна понуда, поништување на постапката или други одлуки на договорниот орган,

- податоци за дејствијата или пропуштањата за преземање на дејствија од страна на договорниот орган,

- опис на фактичката состојба,

- опис на неправилностите и образложение по истите,

- предлог на докази,

- жалбено барање и/или барање за надомест за трошоците на постапката и

- потпис на овластено лице и печат.

6.3.4 Подносителот на жалбата е должен да приложи и доказ за уплата на надомест за водење на постапката.

6.3.5 Подносителот на жалбата кој нема седиште на територијата на Република Македонија е должен да определи полномошник за прием на писмена.

6.3.6 Жалбата се изјавува до Државната комисија. Жалбата се поднесува лично или по препорачана пошта истовремено до договорниот орган и до Државната комисија. Денот на поднесување на жалбата по препорачана пошта се смета за ден на поднесување. Во случај на лично поднесување на жалбата договорниот орган е должен да му издаде на подносителот потврда за времето на приемот.

6.3.7 Во постапката пред Државната комисија подносителот на жалбата, покрај административната такса, плаќа и надоместок за водење на постапката во зависност од висината на понудата, и тоа:

- до 20.000 евра во денарска противвредност, надоместок од 100 евра во денарска противвредност,

- од 20.000 до 100.000 евра во денарска противвредност, надоместок од

200 евра во денарска противвредност,

- од 100.000 до 200.000 евра во денарска противвредност, надоместок од

300 евра во денарска противвредност или

- над 200.000 евра во денарска противвредност, надоместок од 400 евра во денарска противвредност.

6.3.8 Во случај на непостоење на понуда, висината на надоместокот за водење на постапката се пресметува врз основа на проценетата вредност на договорот за јавна набавка, при што Државната комисија го известува подносителот на жалбата за висината на надоместокот и рокот во кој треба да достави доказ за негова уплата.

6.3.9 Надоместокот за водење на постапката е приход на Буџетот на Република Македонија.

7. ЗАДОЛЖИТЕЛНИ ЕЛЕМЕНТИ ОД ДОГОВОРОТ ЗА ЈАВНА НАБАВКА

7.1 Начин на плаќање

7.1.1 Плаќањето ќе се изврши по доставени полиси и обезбедени средства од буџетот и одобрен план.

7.2 Рок и место на извршување

7.2.1 Економскиот оператор го дефинира рокот на плаќање во својата понуда. Носителот на набавката е должен да ја изврши услугата предмет на договорот на локацијата согласно потребите на договорниот орган.

7.3 Разлики во цена (корекција на цени)

7.3.1 Корекција на цените на предметот на договорот за јавна набавка не се дозволени и истите ќе останат фиксни за целото времетраење на договорот.

7.4 Авансно плаќање

7.4.1 За извршување на договорот за јавна набавка не е дозволено авансно плаќање.

7.5 Гаранција за квалитетно извршување на договорот

7.5.1 Услов за потпишување на договорот со избраниот најповолен понудувач е обезбедување гаранција од страна на избраниот најповолен понудувач за квалитетно извршување на договорот во висина од  5% од вредноста на договорот.

7.5.2 Гаранцијата од точка 1.1 се доставува во вид на банкарска гаранција во писмена форма. Гаранцијата треба да биде поднесена во оригинална форма. Копии не се прифаќаат.

7.5.3 Гаранцијата за квалитетно извршување на договорот ќе биде со важност до целосното реализирање на договорот. Договорниот орган по извршениот избор на најповолен понудувач дополнително го утврдува крајниот датум на важност на гаранцијата.

7.5.4 Банкарската гаранција за квалитетно извршување на договорот ќе биде во валутата на која гласи договорот.

7.5.5 Гаранцијата за квалитетно извршување на договорот треба да биде издадена од банка прифатлива за договорниот орган.

7.5.6 Гаранцијата за квалитетно извршување на договорот избраниот најповолен понудувач ја доставува по добиеното известување за извршениот избор, а пред склучување на договорот во рок од 15 дена од добиеното известување, а пред склучување на договорот.

7.5.7 Гаранцијата за квалитетно извршување на договорот се доставува во определениот рок, и тоа: по пошта или лично на лицето за контакт од точка 1.2.2 од тендерската документација.

7.5.8 Гаранцијата за квалитетно извршување на договорот ќе биде наплатена доколку носителот на набавката не исполни некоја од обврските од договорот за јавна набавка во рокот на стасаноста.

7.5.9 Во случај на неисполнување на некоја од обврските од договорот за јавна набавка согласно договореното, договорниот орган писмено ќе го извести носителот на набавката дека ќе пристапи кон наплата на банкарската гаранција за квалитетно извршување на договорот.

7.5.10 Доколку договорот за јавна набавка е целосно реализиран согласно договореното, банкарската гаранција за квалитетно извршување на договорот договорниот орган му ја враќа на носителот на набавката во рок од 14 дена од целосното реализирање на договорот.

7.5.11 Гаранцијата за квалитетно извршување на договорот договорниот орган му ја враќа на носителот на набавката по пошта, лично во седиштето на економскиот оператор или лично во седиштето на договорниот орган.

8. ПОНИШТУВАЊЕ НА ПОСТАПКАТА

8.1 Договорниот орган може да ја поништи постапката за доделување на договор за јавна набавка, во следниве случаи:

- бројот на кандидати е понизок од минималниот број предвиден за постапките за доделување на договор за јавна набавка согласно со овој закон,

- не е поднесена ниту една понуда или ниту една прифатлива понуда,

- се поднесени прифатливи понуди кои не можат да се споредат поради различниот пристап во техничките или финансиските понуди,

- настанале непредвидени промени во буџетот на договорниот орган,

- понудувачите понудиле цени и услови за извршување на договорот за јавна набавка кои се понеповолни од реалните на пазарот,

- оцени дека тендерската документација содржи битни пропусти или недостатоци,

- поради непредвидени и објективни околности се промениле потребите на договорниот орган или

- договорниот орган не може да изврши избор на најповолна понуда поради битни повреди на законот согласно со членот 210 од овој закон.

II. ТЕХНИЧКИ СПЕЦИФИКАЦИИ

ОСИГУРУВАЊЕ ОД ПОЖАР и други опасности

Листа 1 - Градежни објекти

а) Градежни објекти со процент на зголемување 200%

Книговодствени вредности за :

- Ректорат (бетонска зграда) 26.078.254,00

- Лекторска зграда (над 2 ката, тврда градба)..........................................10 773.112,00

- Дом за постдипломци (над 2 ката, тврда градба)................................. 50 277.093,50

- Палата Кузман (тврда градба)................................................................ 42 245.274,00

- Конгресен центар во Охрид (тврда градба) .......................................... 66 505.919,00

б) Дополнително осигурување од поплави, порој и високи води на прв ризик за

- Ректорат (бетонска зграда)

- Лекторска зграда (над 2 ката, тврда градба)

- Дом за постдипломци (над 2 ката тврда градба)

- Палата Кузман (тврда градба)

- Конгресен центар ви Охрид (тврда градба)

Листа 2 - Опрема

а) Опрема: со процент на зголемување 200%

Книговодствена вредност за:

- Ректорат 26.603.212,50

- Лекторска зграда 145.830,50

- Дом за постдипломци ..............................................................................13 965.275,00

- Палата Кузман 450.000,00

- Конгресен центар во Охрид ....................................................................16 397.227,00

б) Дополнително осигурување од поплави, порој и високи води на прв ризик за

- Ректорат

- Лекторска зграда

- Дом за постдипломци

- Палата кузман

- Конгресен центар во Охрид

Листа 3 - Залиха

а) Залиха на книжен фонд (без процент на зголемување)

Книговодствена вредност 17.436.819,00

б) Дополнително осигурување од поплави, порој и високи води на полна вредност

Листа 4 – Компјутери, пари и скапоцености

Осигурување на компјутери со 100% зголемување.

Книговодствена вредност 21.543.602,50

а) Осигурување од пожар, други опасности и провална кражба б) Осигурување од кражба на:

- пари во каса (до 400 кгр.) 200.000,00

- пари во пренос (од разбојништво и сообраќајни незгоди) 500.000,00

в) Осигурување на кражба на скапоцености .............................................2 312.000,00

(видот на скапоцености ќе се дефинира во договорот за јавна набавка)

ОСИГУРУВАЊЕ НА МОТОРНИ ВОЗИЛА

Листа 5 - Каско осигурување на моторни возила

MERCEDES E 200 KOMPRESOR BENZ KVV 120 CM3 1998 седишта 5

Година на производство 2000

Сума на осигурување .................................................................................3 023.390,50

ПЕЖО HDI 406 KVV 80 CM3 1997 седишта 5

Година на производство 2000

Сума на осигурување ................................................................................. 1 535.128,50

ЛАДА Караван KVV 55 седишта 5

Година на производство 1995

Сума на осигурување 347.659,00

Фијат Панда KW 40 седишта 5

Година на производство 2005

Сума на осигурување 443.300,00

а) Каско осигурување со одбитна франшиза од 200 eur, со вклучен ризик на кражба во сите европски земји

б)Осигурување на моторни возила при регистрација ( од Автомобилска одговорност)

Листа 6 – ▇▇▇▇▇▇▇▇ и колективно осигурување

а) Патничко осигурување за едно лице за патување во странствво, каде што треба да се вкалкулира и :

- продолжување на престој на пациент по препорака на доктор –

сместување во хотел

- надомест на телефонски трошоци

- предвремено враќање во земјата поради болест или смрт

- кражба, уништување, оштетување на багаж

- доцнење на багаж во странство од 12 до 24 часа

- доцнење на багаж во странство над 24 часа

- загуба на патни документи б) Колективно осигурување на вработените

в) Осигуривање на лица од незгода ( што не се вработени во институцијата) при манифестации

Листа 7 – Менаџерско осигурување

а) Менаџерско осигурување - 500 еур месечно за едно лице

Износите наведени во тендерската документација се стари податоци од претходната година. После изготвувањето на завршната сметка, Договорите со избраните понудувачи ќе се потпишат на вредности кои ќе бидат утврдени со завршниот Финансиски извештај за 2011 година.

III. ОБРАЗЕЦ НА ПОНУДА

[меморандум на понудувачот]

Врз основа на огласот број 2/2012 објавен од страна на Универзитетот „Св. Кирил и Методиј“ во Скопје, за доделување на договор за јавна набавка на осигурување на градежните објекти, опремата и возилата на Универзитетот „Св. Кирил и Методиј “ во Скопје, менаџерско, колективно и патничко осигурување на вработените во Ректоратот и осигурување на лица при манифестации за потребите на Универзитетот „Св. Кирил и Методиј “ во Скопје, со спроведување на отворена постапка и тендерска документација која ја подигнавме од договорниот орган, ја поднесуваме следната понуда:

П О Н У Д А

Дел I – Информации за понудувачот

I.1. Име на понудувачот                         

I.2. Контакт информации

− Адреса:              

− Телефон:                          

− Факс:        

− Е-пошта:                       

− Лице за контакт:                        

I.3. Одговорно лице:

I.4. Даночен број:                          

Дел II – Техничка понуда

II.1.Согласни сме да ги понудиме следниве услуги:

[Во оваа точка понудувачот ја наведува услугата која ја нуди со сите потребни технички карактеристики, а во согласност со техничките спецификации дадени во тендерската документација]

II.2. Во прилог ја доставуваме бараната документација за услугите кои ги нудиме, и тоа:

                                           _.

[Во оваа точка, понудувачот треба да го наведе видот на документите кои ги доставува за приказ на услугите што ги нуди]

Дел III – Финансиска понуда

III.1 Детален приказ на вкупната цена на нашата понуда е даден во следнава листа на цени:

ОСИГУРУВАЊЕ ОД ПОЖАР и други опасности

Листа 1 - Градежни објекти

а) Градежни објекти со процент на зголемување 200%

б)Дополнително осигурување од поплави, порој и високи води на прв ризик

ВКУПНО ЗА ЛИСТА 1 – Градежни објекти

***Напомена***

Критериуми за евалуација на листа 1 се :

▇▇▇▇▇▇ на премија 50 бодови ▇▇▇▇▇▇ на сума на осигурување 50 бодови

За критериумот висина на сума на осигурување, предмет на евалуација ќе биде висината на сумата на осигурување за дополнително осигурување од поплави, порој и високи води на прв ризик(б).

Листа 2 Опрема

а)Опрема со процент на зголемување 200%

б)Дополнително осигурување од поплави, порој и високи води на прв ризик

ВКУПНО ЗА ЛИСТА 2 – Опрема

***Напомена***

Критериуми за евалуација на листа 2 се :

▇▇▇▇▇▇ на премија 50 бодови ▇▇▇▇▇▇ на сума на осигурување 50 бодови

За критериумот висина на сума на осигурување, предмет на евалуација ќе биде висината на сумата на осигурување за дополнително осигурување од поплави, порој и високи води на прв ризик(б).

Листа 3 Залиха

а) ▇▇▇▇▇▇ на книжен фонд без процент на зголемување

б) Дополнително осигурување од поплави, порој и високи води на полна вредност

ВКУПНО ЗА ЛИСТА 3 – Залиха

Листа 4 Осигурување на компјутери со 100 % зголемување

а) Прва варијанта – осигурување од пожар и други опасности и провална кражба

б) Осигурување од кражби

в) Осигурување на кражба на скапоцености

ВКУПНО ЗА ЛИСТА 4 – Осигурување на компјутери

ОСИГУРУВАЊЕ НА МОТОРНИ ВОЗИЛА

Листа 5 – Каско осигурување на моторни возила

а) Каско осигурување со одбитна франшиза од 200 eur, со вклучен ризик кражба во сите европски земји

б)Осигурување на моторни возила при регистрација ( од Автомобилска одговорност)

ВКУПНО ЗА ЛИСТА 5 – каско и автомобилска за моторни возила

Листа 6 – ▇▇▇▇▇▇▇▇, менаџерско и колективно осигурување

а)Патничко осигурување за едно лице за патување во Р. Грција, Р. Бугарија и за Шенген зоната

Во премијата за патничко осигурување да се земе во предвид и осигурување за :

- продолжување на престој на пациент по препорака на доктор –

сместување во хотел

- надомест на телефонски трошоци

- предвремено враќање во земјата поради болест или смрт

- кражба, уништување, оштетување на багаж

- доцнење на багаж во странство од 12 до 24 часа

- доцнење на багаж во странство над 24 часа

- загуба на патни документи

б) Колективно осигурување на вработени со месечна премија од 100 денари со 5 ризици:

в) Осигурување од незгода на лица (што не се вработени во институцијата) на манифестации:

ВКУПНО ЗА ЛИСТА 6 – Патнички, менаџерско и колективно осигурување

***Напомена***

Критериуми за евалуација на листа 6 се :

▇▇▇▇▇▇ на премија 50 бодови ▇▇▇▇▇▇ на сума на осигурување 50 бодови

- За критериумот висина на сума на осигурување, предмет на евалуација ќе биде збирот од висината на сумата на осигурување за колективно осигурување на вработени со месечна премија од 100 денари со 5 ризици (б) и осигурување од незгода на лица (што не се вработени во институцијата) на манифестации (в).

- За критериумот висина на премија, предмет на евалуација ќе биде премијата пресметана како збир од висините за премијата од а), б) и в).

Листа 7 – Менаџерско осигурување

а) Менаџерско осигурување

- Да се достават условите за менаџерско осигурување и пресметка на висината на осигурената сума за месечна премија од 500 eur за едно лице.

III.2 Начин и рок на плаќање на премијата                  

III.3. Рокот на исплата на штетата е    

документацијата.

денови по комплетирање на

III.4. Рокот на важење на понудата е       денови.

III.5. Со поднесување на оваа понуда, во целост ги прифаќаме условите предвидени во огласот и тендерската документација и не го оспоруваме Вашето право да ја поништите постапката за доделување на договор за јавна набавка согласно со член 169 од Законот за јавните набавки.

Место и датум Одговорно лице

(потпис и печат)